Nesër, Zi Shtetërore në Kosovë në kujtim të grave dhe vajzave të vrara nga dhuna

Pas një vale tragjike vrasjesh së grave dhe vajzave të reja në Kosovë kryesisht nga bashkëshortët e tyre, presidentja e Republikës Vjosa Osmani e ka shpallur ditën e nesërme, 17 prill 2024, ditë zije shtetërore për reflektim mbarëkombëtar. 

Në vendimin e publikuar në Fb, presidentja Osmani shkruan: "Nesër do të jetë ditë zie shtetërore në Kosovë, por shoqëria jonë do të jetë në zi çdo ditë përderisa të ketë vrasje të grave dhe vajzave tona!"