Akuzohet për përdhunim, FBI bastis shtëpitë e reperit të famshëm amerikan
Agjentë të FBI-së kanë bastisur shtëpitë e reperit të njohur Sean “Diddy” Combs, i njohur gjithashtu si Puff Daddy pas akuzave për përdhunim. Gjatë bastisjes ranë në pranga dy djemtë e tij, Justin, 30 vjeç dhe King, 25 vjeç.
Sipas mediave amerikane, qëllimi i hetimit ishte sekuestrimi i telefonave dhe kompjuterëve përpara një udhëtimi të planifikuar të reperit 54-vjeçar jashtë SHBA-së.
🚨#BREAKING: Homeland Security are Raiding Rapper Sean Diddy' Combs Homes in Los Angeles and Miami in Federal Sex Trafficking Probe⁰
— R A W S A L E R T S (@rawsalerts) March 25, 2024
📌#LosAngeles | #California
Currently, Homeland Security, along with federal agents and other law enforcement, are conducting raids at the homes… pic.twitter.com/MsndtBWpe9
Autoritetet pohuan se do të kishte bastisje të mëtejshme në shtëpitë e lidhura me producentin e muzikës në Neë York dhe Çikago. Njëra prej shtëpive është në pronësi të një divizioni të markës diskografike të 54-vjeçarit Diddy, Bad Boy Entertainment, dhe një prej vajzave të tij, raportoi Fox.
Të dy bastisjet në Kaliforni dhe Florida u kryen nga Task Forca e Sigurisë Kombëtare për Trafikimin e Njerëzve, bazuar në një urdhër kërkimi të lëshuar nga Distrikti Jugor i New York.
Kundër Diddy janë ngritur katër padi për sulme seksuale, duke përfshirë rastin e një të miture. Reperi ka mohuar akuzat ndaj dhe është e paqartë nëse hetimi ka lidhje me ndonjë nga akuzuesit.