Berisha: Nëse do të isha ministër do të shkarkoja drejtorin e policisë
Ish-Kryeministri Sali Berisha ka deklaruar se Drejtori i Përgjithshëm i Policisë së Shtetit Haki Çako duhet të japë dorëheqjen nga detyra.
I ftuar në emisionin “Studio e Hapur” në News24, Berisha u shpreh se drejtori i policisë është bashkëfajtor me Kryeministrin Rama dhe ish-ministrin Tahiri për kanabizimin e vendit.
“Bashkë me Tahirin dhe Ramën është bashkëautor në këtë problem të tmerrshëm dhe të madh të Shqipërisë”, tha Berisha.
Ish-Kryeministri u shpreh se nëse do të ishte ministër i Brendshëm, do ta shkarkonte drejtorin e policisë.
Ministri i ri i Brendshëm është Dritan Demiraj, i propozuar nga PD.