Ambasadori i BE: Me urgjencë dialog politik për të rivendosur funksionimin normal të Parlamentit

Ambasadori i Bashkimit Europian në Tiranë Silvio Gonzato, ka bërë thirrje ditën e sotme që të ketë me urgjencë dialog politik që të rivendoset funksionimi normal i parlamentit.

Sipas Gonzatos, funksionimi normal i parlamentit është një nga kushtet bazë për integrimin e një vendi në Bashkimin Europian.

Postimi i Ambasadorit të BE, Silvio Gonzato:

Sot kam qenë dëshmitar sesi politikanët shqiptarë nga parti të ndryshme politike u angazhuan në diskutime dhe debate lidhur me rolin e Kuvendit në procesin e negociatave me BE-në.

Me urgjencë, diskutime të ngjashme duhet të nisin në Kuvend për të rivendosur funksionimin normal të tij.

Ky është një nga kushtet bazë për anëtarësimin e vendeve në BE. Ne punojmë së bashku për të ndihmuar parlamentin të luajë rolin e tij të plotë në anëtarësimin në BE si një institucion transparent dhe efektiv në shërbim të qytetarëve shqiptarë.

Today, I witnessed how Albanian politicians from various political parties engaged in discussions and debates regarding the Assembly’s role in the EU negotiation process. With urgency, similar discussions should commence in the Parliament to restore its normal functioning.
1/2 https://t.co/wlPH45iS5Q

— Silvio Gonzato (@EUAmbAL) February 28, 2024