Meta poston foton me Zelensky-n: Dy vjet më parë Ukraina u zgjuan nën tmerrin e agresionit të egër…
Kryetari i Partisë së Lirisë, Ilir Meta, ka publikuar në rrejtin e tij social Facebook, një foto krah presidentit ukrainas, Zelensky, teksa shkruan krah fotos se dy vjet më parë Ukraina u zgjua nën tmerrin e agresionit të egër, të paprovokuar dhe të pajustifikuar ushtarak të Rusisë.
“Partia e Lirisë qëndron në solidaritet dhe në mbështetje të palëkundur për Ukrainën dhe popullin e saj deri në rivendosjen e plotë të paqes dhe garantimit të sovranitetit shtetëror”, shton Meta.
POSTIMI I PLOTË:
Dy vjet më parë Ukraina u zgjua nën tmerrin e agresionit të egër, të paprovokuar dhe të pajustifikuar ushtarak të Rusisë.
Prej asaj dite, populli ukrainas është kthyer në frymëzim për mbarë botën, me rezistencën e tij heroike për liri dhe dinjitet, në mbrojtje të atdheut.
Partia e Lirisë qëndron në solidaritet dhe në mbështetje të palëkundur për Ukrainën dhe popullin e saj deri në rivendosjen e plotë të paqes dhe garantimit të sovranitetit shtetëror.