Vetëvrasja e 27-vjeçares në Kamëz/ Gjykata lë në burg Altin Çokun/ VIDEO

Gjykata e Tiranës ka vendosur masën e sigurisë ‘arrest me burg’ për 39-vjeçarin Altin Çoku, i cili akuzohet se nxiti vetëvrasjen e 27-vjeçares Sibela Abedini.

Ngjarja e rëndë ndodhi pak ditë më parë në Kamëz.

Nga pamjet e publikuara nga SYRI në kafazin prej xhami të gjykatës, Çoku shfaqet i heshtur, teksa në shumicën e kohës mban kokën poshtë për t’iu shmangur objektivit të kamerave.

‘Foton e nxori shtetasi Haxhia. Mesazhet janë në telefonin e vajzës, të së ndjerës. Shpreh keqardhje për familjen e të ndjerës. Jam përdorures i TikTok si gjithë të tjerët’, tha Çoku për gazetarët para fillimit të seancës.