Kushtetutë/ Në emër të popullit arrestohesh
Nga Felix Bilani
Edhe pse vendimi për kthimin nga klubi sportiv Partizani në zonë zhvillimi ku do bëhej edhe një gjimnaz për zonën ,u bë nga ish kreu i bashkisë së asaj kohe Edi Rama , dhe leja ndërtimit u firmos sërish nga Edi Rama, sot nën hetim janë Abi Malltezi dhe Kryetari i Partisë Demokratike, Profesor Doktor Sali Berisha.
Të hetosh nuk ka asgjë të keqe në vendet e zhvilluara ku ka demokraci , por të hetosh siç bëhet në këtë katundin tonë nën arrest është pikërisht vërtetimi i plotë i vendosjes së një regjimi diktatorial ku nëse flet , nëse denoncon, nëse ke energji elektrike në shumën 3000 lek , nëse nga uria vjedh një bukë , nëse denoncon me prova siç po bëhet nga doktor Berisha dhe opozita , atëherë arrestohesh, pushohesh nga puna që të vdesësh për bukë , të heqin familjarët e fisin nga puna, të kërcënojnë , të hidhen si çakej për të të shqyer .....por nëse vidhen miliona siç është rasti i inceneratorit , sterilizimit , check up , apo grabitje të tjera , në këtë katundin tonë bëhesh ministër , zv ministër , drejtor drejtorie, kryetar bashkie , kryeministër ...........
Kushtetuta është zero për këta njerëz . Rilindja tashmë e ka kthyer kushtetutën në një lavire ku secili mund ti hipë e të rishkruajë kamasutrën , raporte që bëhen nga të huajt thonë që kemi çmimet më të larta në europë , askush nuk flet , dhe sërish kushtetuta shkelet pasi me gjendjen ku është vëndi shkelet edhe ligji për sigurimin e minimumit jetik , flas për pencionet dhe të papunët , për ata që punojnë me 25.000 lek në muaj ku nuk sigurojnë dot as bukën thatë.....
Në Shqipëri nuk vdes njeri për bukë thotë ay ..... ay i madhi , lideri ballkanik dhe europian sipas disa trutharëve që dalin edhe nëpër ekrane e bëjnë analizë nga politika e deri tek synetlliqet , flasin e ç'nuk thonë , por se si u ndërrua një gjimnaz nuk e thonë, se si avulluan miliona euro me incenerator e me PPP e me konçesione nuk duan tja dinë ....ulërijnë që SPAK po zbaton ligjin , çirren duke thënë që SPAK po vendos drejtësi ......pastaj pasi i japin fytyrës një shprehje që edhe August Roden do ishte i paaftë për ta gdhendur , keta psherëtijnë dhe thonë që nuk na kuptojnë .
Mark Tul Cicero ( Ciceroni ) thotë : Qytetari i mirë ,nuk mund të pranojë që në vendin e tij të ketë një pushtet që pretendon të jetë mbi ligjin.
Por para erës sonë nuk ishte pjellë Rilindja me liderin e saj i cili është mbi çdo sistem , është mbi të gjitha sistemet e drejtësisë madje edhe mbi presidentin honorifik që ka ky katundi ynë.
Dhe po e mbyll me Alexandr Solzhenitsyn nga Arkipelag Gulag" sepse edhe ky katundi ynë është kthyer në gulag 28.0000 km katror te liderit rilindas
DHUNA E GJEN STREHËN E SAJ TË VETME TEK GENJESHTRA
Dhuna dhe gënjeshtra janë dy anët e së njëjtës medalje. Ata që përdorin dhunën për të imponuar vullnetin e tyre, fuqinë e tyre, interesin e tyre duhet të fshehin mizorinë e tyre pas një maske gënjeshtre. Gënjeshtra shërben për të justifikuar dhunën, për të mohuar viktimat, për të manipuluar opinionin publik. Në këtë mënyrë krijohet një realitet i rremë, një rrëfim i deformuar, një vizion iluziv. Ata që jetojnë në gënjeshtër, megjithatë, nuk mund të jenë të lirë. Gënjeshtra e burgos atë në një rrjetë frike, dyshimi, faji. Dhuna dhe gënjeshtra ushqejnë njëra-tjetrën, në një rreth vicioz që shkatërron dinjitetin njerëzor, drejtësinë sociale dhe paqen civile.
Ka vetëm një rrugëdalje: E VERTETA ....
E VERTETA është drita që ndriçon errësirën, zëri që denoncon padrejtësinë, forca që kundërshton shtypjen.
E VERTETA është vlera supreme, themeli i lirisë, parakusht i demokracisë.
E VERTETA është dhurata më e çmuar, e mira më e rrallë, detyra më e lartë.
E VERTETA kërkon guxim, ndershmëri, përgjegjësi.
E VERTETA nënkupton respekt, dialog, solidaritet. E VERTETA gjeneron besim, shpresë, dashuri.