Shtetet baltike do të ndërtojnë fortifikime të reja për të forcuar kufirin lindor të NATO

Marrëveshja për një vijë të përbashkët të mbrojtjes u nënshkrua për të bllokuar agresionin rus në rajon.

Shtetet baltike kanë nënshkruar një marrëveshje për të krijuar një vijë të përbashkët mbrojtjeje për të përforcuar kufirin lindor të NATO-s me Rusinë dhe Bjellorusinë.

Letonia, Lituania dhe Estonia dikur ishin të gjitha pjesë e Bashkimit Sovjetik, por tani janë pjesë e BE-së dhe NATO-s dhe janë aleatë të Ukrainës, ku Rusia filloi një pushtim në shkallë të plotë në shkurt 2022.

Ministrat e mbrojtjes të vendeve e nënshkruan dokumentin në kryeqytetin e Letonisë, Riga. Të tre besojnë se ndërtimi i "instalimeve mbrojtëse kundër lëvizjes" do të forcojë ndjeshëm kufijtë e tyre, si dhe do të pengojë dhe bllokojë çdo agresion të mundshëm ushtarak.

"Në dritën e agresionit të Rusisë kundër Ukrainës. Është shumë e rëndësishme të vazhdojmë bashkëpunimin tonë. Solidariteti i shteteve baltike duhet të jetë më i fortë se kurrë," tha Arvydas Anusauskas, ministër i Mbrojtjes i Lituanisë.

Homologu i tij letonez Andris Spruds njoftoi gjithashtu mbi projektin:

Analistët në Institutin Amerikan të Studimeve të Luftës kanë vënë në dukje se presidenti rus Vladimir Putin ka rritur së fundmi iniciativat e Kremlinit që mund të provokojnë përshkallëzime të ardhshme kundër shteteve baltike.

“Lufta e Rusisë në Ukrainë ka treguar se përveç pajisjeve, municioneve dhe fuqisë punëtore, nevojiten edhe instalime fizike mbrojtëse në kufi për të mbrojtur Estoninë që në metrat e parë”, tha ministri i Mbrojtjes i Estonisë, Hanno Pevkur.

Ai vuri në dukje se qëllimi i instalimeve mbrojtëse është parandalimi i një konflikti ushtarak në rajon.

“Ne po e bëjmë këtë përpjekje që populli i Estonisë të ndjehet i sigurt, por nëse do të shfaqej rreziku më i vogël, do të ishim gati për zhvillime të ndryshme më shpejt”, shtoi Pevkur.

Bunkerët estonezë përgjatë kufirit rus

Si pjesë e "Linjës së Mbrojtjes Baltike", Estonia do të ndërtojë qindra bunkerë në kufirin e saj me Rusinë.

Duke pranuar se asnjë vijë mbrojtëse nuk është e padepërtueshme, shefi i Departamentit të Operacioneve të Shtabit të Përgjithshëm, Tarmo Kundla tha se përvoja ukrainase ka treguar domosdoshmërinë e ndërtimit të vendstrehimeve nga betoni dhe instalimin e tyre herët, në vend që të krijohen ato në dhe dhe me trungje në një situatë lufte. .

Koncepti i instalimeve mbrojtëse bazohet në vendimet e marra në Samitin e NATO-s në Madrid, i cili theksoi se aleatët duhet të jenë të gatshëm për të mbrojtur territorin dhe duhet të zhvillohen plane të reja mbrojtëse rajonale.

Procesi i ndërtimit do të kryhet në bashkëpunim me komunitetet lokale dhe me marrëveshjen e pronarëve të tokave. Çmimi i objektit të mbrojtjes estoneze është vlerësuar fillimisht në 60 milionë euro.

Bunkeri i parë do të përfundojë në gjysmën e parë të këtij viti dhe publiku do ta shohë atë në gjysmën e dytë të vitit./ar/sh/SYRI.NET

​