Maliq, në pranga një 62-vjeçar që përndiqte të miturën 12 vjeçe
Në Maliq, një burrë rreth 62 vjeç u vu në pranga pasi dyshohet se ka ngacmuar seksualisht një të mitur.
Arrestimi i tij u bë ditën e djeshme nga komisariati i Maliqit. Sipas burimeve, i arrestuari ka ngacmuar me fjalë dhe ka përndjekur një vajzë 12-vjeçare, nxënëse shkolle.
Ka qenë e mitura që i ka treguar gjyshes së saj e më pas në praninë edhe të psikologes së shkollës, kanë bërë denoncimin pranë policisë.
Këta të fundit kishin informacion për autorin, pasi konstatohej edhe si përdorues i alkoolit dhe prej pak kohësh po mbahej nën mbikqyrje nga ana e policisë.