Izraeli: Hamasi operon dhe fshihet poshtë spitalit më të madh në Rripin e Gazës
Izraeli ka thënë se Hamasi operon dhe fshihet poshtë spitalit më të madh në Rripin e Gazës, sipas një postimi nga Forcat e Mbrojtjes së Izraelit në rrjetin social X.
Zëdhënësi i Forcave të Mbrojtjes së Izraelit, Daniel Hagari thotë se Hamsi “kryen aktivitete ushtarake nga spitalet” në Gaza duke i përdorur këto objekte si “infrastruktura terroriste”.
Ai i referohet specifikisht spitalit Al Shifa, që është më i madhi në Rripin e Gazës. Hagari përshkroi një rrjet të përpunuar tunelesh nën ndërtesën në qytetin e Gazës, nga i cili thotë se nga aty mund të planifikohen sulme.
Zëdhënësi izraelit thotë se “qindra terroristë ikën në spital për t’u fshehur aty ” pas sulmeve ndaj Izraelit më 7 tetor dhe thotë se Izraeli ka informacione se “ka karburant në spitalet në Gaza dhe Hamasi po e përdor atë për infrastrukturat e tij terroriste”.
Sipas tij, Hamasi e bën këtë pasi Forcat Izraelite të Mbrojtjes dinë të bëjnë dallimin midis “luftëtarëve dhe civilëve në sulmet e tyre”.
Hagari thotë gjithashtu se se Hamasi po lëndon civilët izraelitë dhe të Gazës.
Hamas operates within and hides beneath the largest hospital in Gaza.
Their priorities are clear—and the people of Gaza are not among them. pic.twitter.com/7M4ZqjFyYs