Përplasen dy anije mallrash në Detin e Veriut, raportohet për disa të zhdukur

Disa persona raportohen të zhdukur pasi dy anije mallrash u përplasën në Detin e Veriut. Ngjarja ka ndodhur rreth 22 kilometra në jugperëndim të ishullit Heligoland, Gjermani. Anija e mallrave “Verity” u mbyt pas përplasjes me “Polesie” që po udhëtonte nga Hamburgu për në La Coruña të Spanjës.

Në anijen Polesie ndodheshin 22 persona në bord. Gazeta gjermane Bild raporton për 6 marinarë të zhdukur. Një person u shpëtua nga uji dhe po merr kujdes mjekësor ndërkohë që pavarësisht kërkimeve, nuk ka asnjë gjurmë të anëtarëve të mbetur të ekuipazhit.