Ndryshimi drastik i Dua Lipës si asnjëherë më parë!
Ylli i muzikës Dua Lipa ka ndryshuar ngjyrën e flokëve dhe ka rrëmbyer vëmendjen e gjithë ndjekësve në rrjetin e saj social Instagram. Ajo është shfaqur me flokë të kuqe dhe duhet thënë se duket shumë bukur.
“A të ka marrë malli për mua?”, ka shkruar ajo në postimin e saj, teksa së fundmi ka fshirë të gjitha postimet e tjera që kishte në llogarinë e saj në Instagram.
Arsyeja duket të jetë albumi i saj i ri, i cili do të publikohet së shpejti me Kevin Parker të grupit të famshëm australian Tame Impala.
Fansat e Lipës janë duke pritur me padurim projektet e saj të radhës. Një fans komentoi, "Ne jemi shumë gati për ty", ndërsa një tjetër thirri me "Mezi pres të dëgjoj se çfarë keni rezervuar për ne".
Albumi i mëparshëm i Lipës, "Future Nostalgia", u publikua në vitin 2020 dhe ajo zbuloi se donte t'u jepte njerëzve diçka për të dëgjuar gjatë pandemisë COVID-19.