Përplasen dy kamionë në fshatin Bradashesh në Elbasan, lëndohet shoferi nga Kosova

Një person është plagosur mesditën e kësaj të hëne si pasojë e përplasjes së dy kamionëve në Elbasan.

Sipas policisë mësohet se ngjarja ka ndodhur në oborrin e firmës “Kurum”, në fshatin Bradashesh, ku automjeti kamion me drejtues një shqiptar nga Kosova 63 vjeç gjatë kryerjes së një manovre, ka përplasur një automjet kamion të parkuar.

Për shkak të goditjes, është dëmtuar një 56 vjeçar nga Kosova, i cili ka qenë në afërsi të kamionit.

 56-vjeçari është dërguar në spital, për të marrë ndihmë mjekësore dhe ndodhet jashtë rrezikut për jetën.