Paloka: Lojtari nga Gjilani i Kosovës feston golin, fytyra e Ramës nxin

Deputeti demokrat, Edi Paloka postoi disa foto që tregojnë se si nxin fytyra e kryeministrit shqiptar, Edi Rama, kur lojtari Mirlind Daku nga Kosova shënon golin e dytë për Shqipërinë.

“Shihni fotot se flasin vetë.

2-0 për Shqipërinë.

Ekzaltimi i lojtarit prej Gjilanit të Kosovës dhe fytyra e kryeministrit që nxinte me gjithçka…

I dëshpëruar që përballë kësaj kombëtareje ishte i pafuqishëm për të bërë keq apo xheloz që nuk e pati e nuk do ta ketë kurrë dashurinë e shqiptarëve si këta djem të rinj?” shkruan Paloka.