Zjarr në një sipërfaqe me ullishte në Fier

Një zjarr i madh ka rënë në një sipërfaqe me ullishte dhe shkurre në fshatin Hambar të Fierit. Forcat zjarrfikëse dhe banorët e zonës po punojnë në terren për të shuar flakët.

Por era e fortë ka favorizuar përhapjen e shpejtë të flakëve. Për këtë arsye, ministria e Brendshme ka vënë në dispozicion edhe helikopterin Cougar për ndërhyrje nga ajri.