Greta Koçi, nënë për herë të parë
Interneti dyshoi se Greta Koçi është shtatzënë dhe sigurisht, interneti ka të drejtë! Përmes një videoje të publikuar në Instagram, Greta konfirmoi se është në pritje të ëmbël dhe na tregoi disa detaje nga baby shower.
"Në pritje të ëmbël...më e lumtur se kurrë", tha këngëtarja në mbishkrimin e videos.
Ky është bebushi i parë për Gretën dhe ende nuk është bërë me dije gjinia.
Prej vitesh, Greta ka kurorëzuar dashurinë e saj me partnerin dhe jeton në Vjenë.
"Unë jam martuar tashmë dhe jetoj së bashku me bashkëshortin tim në Austri. Më duket sikur po marr frymë më lirisht. Është një fazë që po jetoj dhe jam jashtëzakonisht shumë e lumtur. Partneri jeton atje, por më origjinë është shqiptar."- është shprehur Greta para dy viteve, në një intervistë për "ABC e mbasdites".
Prej disa ditësh, njerëzit mendonin se Greta është shtatzënë, duke u nisur nga një video e cila qarkulloi në rrjetet sociale, ku këngëtarja performonte në një dasmë, e veshur me atlete. Disa e kritikuan veshjen e saj dhe disa të tjerë e justifikuan me faktin se ajo është në pritje të ëmbël.