Blendi Fevziu ha mish krokodilit në Afrikë, moderatori zbulon shijen që ka
Moderatori i njohur Blendi Fevziu, prej disa ditësh tashmë ndodhet në Afrikë, teksa ka eksploruar vendin dhe ka njohur kulturat e tyre.
Teksa ndodhet në Namibi, Blendi ka provuar specialitetin e rrallë të vendit i cili është mish krokodili. Këtë gjë, ai e ka zbuluar me anë të një videoje të publikuar në Instagram së fundmi, teksa është i shoqëruar nga një vendas, i cili quhej Kuda.
Gjatë videos, ata kanë zhvilluar një bisedë me njëri-tjetrin për të treguar se si konsumohet mishi i krokodilit.
Pjesë nga biseda:
Blendi: Ne mund ta hamë krokodilin?
Kuda: Ne mund ta hamë krokodilin, bishti është ai që hamë zakonisht dhe gjithashtu brinjët.
Blendi Dhe brinjët? Është mish i bardhë?
Kuda: Po, ka shije thuajse si pula.
Blendi: Pulë e vjetër. Por meqenëse kam provuar krokodil më parë, kam provuar mishin e kalit në Mongoli dhe në Kirgistan, kam provuar balenën në Islandë, tani nuk kisha si mos ta provoja krokodilin edhe në Namibi. Është i famshëm këtu?
Kuda: Është një specialitet.