Elbasan, aksidentohet për vdekje nga makineria një punëtor indian

Policia e Elbasanit njoftoi se një punëtor indian, Onkar Parjapat, 45 vjeç, ka humbur jetën sot në punë e sipër, i goditur nga një makineri.

"Mëngjesin e sotëm, në ish-Kombinatin Metalurgjik, - njoftoi Policia, -  gjatë procesit të punës në fabrikën e riciklimit të aluminit, dyshohet se aksidentalisht është dëmtuar në trup, nga një pajisje pune, shtetasi indian O. P., 45 vjeç, i cili për pasojë ka humbur jetën. Grupi hetimor vijon punën për zbardhjen e plotë të rrethanave të ngjarjes."