Aksident fatal në Greqi/ Burrë e grua humbin jetën, plagosen rëndë dy fëmijët e tyre
Një tragjedi familjare ka ndodhur mesditën e së mërkurës në autostradën kombëtare Selanik-Serron, jashtë Selanikut.
Mediat fqinje raportojnë se një çift bashkëshortësh kanë humbur jetën, ndërsa fëmijët e tyre, shtatë dhe dhjetë vjeç, janë plagosur rëndë.
Sipas raportimeve të para, makina me targa rumune është përplasur me një kamion.
Grupi hetimor ndodhet në vendin e ngjarjes dhe po punon për zbardhjen e rrethanave.