SYRI TV/ Presidenti miraton në heshtje ligjet për 'studentët e mjekësisë' dhe 'kanabisin'

Presidenti Bajram Begaj miratoi në heshtje ligjin që mban peng për vjet diplomat e studentëve të mjekësisë dhe ligjin për kanabisin mjekësor. Begaj nuk nxori dekrete për të kthyer ligjet për rishqyrtim, por zgjodhi t'i aprovojë në heshtje, pasi ligjet hyjën në fuqi, me përfundimin e afatit që ka presidenti për t'u shprehur.  

SYRI TV

Presidenti Bajram Begaj ka miratuar në heshtje, ligjin për kultivimin e kanabisit mjekësor dhe ligjin që i detyron studentët e mjekësisë të punojnë për 5 vjet në Shqipëri, pasi mbarojnë studeimet, me kusht që të marrin diplomat. Ndërsa afati 20-ditor për dekretimin e ligjeve, skadoi një ditë më parë, kreu i shtetit ka zgjedhur të flasë me heshtjen e tij, duke shfrytëzuar rrugën që i njeh Kushtetuta, sipas së cilës, ligjet cilësohen të miratuara edhe nga Presidenti, në rastet kur ai nuk publikon dekret.

Kjo ishte rruga që Bajram Begaj zgjodhi, nga njëra anë për të kënaqur qeverinë dhe nga ana tjeter, për t’iu larguar presionit të opinionit publik, që i kundërshtoi të dyja këto ligje.

Megjithëse i priti në një takim studentët e mjekësisë dhe i siguroi se do të shqyrtojë me seriozitet argumentet e paraqitura prej tyre, që kundërshtojnë ligjin, i cili mban peng për 5 vjet diplomat e tyre, Begaj zgjodhi të mos e kthente ligjin për rishyqrtim, duke e kaluar në heshtje. 

Ndërsa mbushi një vit në zyrën e kreut të shtetit, i vetmi ligj që presidenti Bajram Begaj ka kthyer për rishqyrtim në Kuved, ishte ai për dekoratat, me argumentin se cenoheshin kompetencat e Presidentit  të Republikës, ndërsa të gjitha ligjet e tjera të qeverisë 'Rama', Begaj i ka miratuar ose ka zgjedhur t'i kalojë në heshtje, siç ndodhi edhe më dy ligjet e miratuara në seancën e 21 korrikut.