VIDEO/ Policia e konfirmon: Shoferi i Lindita Nikollës dhunoi fqinjët dhe i qëlloi me armë
Policia e Durrësit e ka konfirmuar faktin që shoferi i kryetares së Parlamentit, Lindita Nikolla ka qëlluar me armë zjarri gjatë një sherri me fqinjët e tij.
Gardisti Martin Nikolli, i cili më herët ka qenë shoferi i ish-zv/kryeministrit Erjon Braçe. së bashku me vëllezërit e tij kanë dhunuar familjen Kaçi, fqinje me ta dhe më pas shoferi i Nikollës ka qëlluar edhe me armë zjarri.
Në këtë konflikt ai ka përdorur armën e shërbimit.
Hamallaj, Durrës/ Informacion paraprak
Rreth orës 11:30, në Hamallaj, dyshohet se për motive pronësie, janë konfliktuar duke përdorur mjete të forta, anëtarët e një familjeje, shtetasit P. K., K. K. dhe S. K., me anëtarët e një familjeje tjetër, shtetasit A. N., P. K. dhe M. N.
Gjatë konfliktit dyshohet se shtetasi M. N., punonjës i Gardës, ka qëlluar në ajër, me armën e shërbimit. Nga të shtënat nuk është dëmtuar asnjë person.
Shërbimet e Policisë, sapo kanë marrë njoftim, kanë shkuar menjëherë në vendngjarje dhe kanë bërë të mundur shoqërimin e të gjithë personave të përfshirë në konflikt, në Komisariatin e Policisë Durrës.
Grupi hetimor vijon punën për zbardhjen dhe dokumentimin e plotë të rrethanave të konfliktit.
Në përfundim të veprimeve të para hetimore dhe procedurale, do të ketë njoftim të plotë.