VIDEO/ Shembet vinçi në Manhatan, gjashtë të lënduar

Gjashtë persona, mes të cilëve katër civilë dhe dy zjarrfikës, kanë marrë lëndime të lehta pas shembjes së një vinçi mëngjesin e së mërkurës në Manhatan.

Sipas raportimeve të mediave në vend, një nga zjarrfikësit pati dhimbje gjoksi dhe u transportua në një spital të zonës, por pa asnjë rrezik për jetën.

Incidenti ndodhi në një kantier ndërtimi ku zjarrfikësit kishin shkuar për t’iu përgjigjur një rasti zjarri. Papritmas vinçi u rrëzua duke u përplasur në një ndërtesë matanë rrugës.

Zjarri shpërtheu ndërsa operatori i vinçit po ngrinte rreth 16 tonë beton. Operatori vuri re zjarrin në motorin e vinçit dhe u përpoq ta shuante, nuk mundi. Më pas, ai është larguar i sigurt nga kabina e vinçit.

Zyrtarët besojnë se zjarri dobësoi kabllon e vinçit deri në një pikë kur u shemb.

Crane completely collapses in New York City 👀🤯 pic.twitter.com/mm6Ijb8N6Y

— Daily Loud (@DailyLoud) July 26, 2023