Pse njerëzit në internet po ‘çmenden’ pas këmbëve të Margot Robbie?

Margot Robbie, ylli i filmit të ardhshëm Barbie, së fundmi ka marrë shumë vëmendje në rrjetet sociale për këmbët e saj. Përveçse është aktorja kryesore në një nga filmat më të shumëpritur të vitit 2023, ajo ka marrë edhe admirimin e më shumë se 6700 njerëzve që mendojnë se ka këmbë “të bukura”.

Kjo mund të duket si një arritje e pazakontë, por është diçka që Robbie po e merr me shumë sportivitet.

Në një intervistë të fundit për Cinema Blend, Robbie foli për magjepsjen që interneti ka me këmbët e saj. Ajo zbuloi se herën e parë që kërkoi vetë në Google, u befasua kur pa se “këmbët e Margot Robbie” ishte një nga rezultatet më të shpeshta të kërkimit.

Më pas ajo zbuloi faqen e saj në Wikifeet, e cila përmban foto të këmbëve të saj.

Margot Robbie discusses how they got the classic #Barbie feet shot in the movie pic.twitter.com/DpAvTW7Oaa

— best of margot robbie (@margotposts) June 25, 2023

Pavarësisht natyrës së pazakontë të kësaj vëmendjeje, Robbie duket se po i merr të gjitha me qetësi.

“Jam shumë e kënaqur që njerëzit janë të emocionuar për këmbët e mia. Mendoj se kjo është e bukur. Nuk ndihem çuditshëm për këtë.”

Vlen të theksohet se kjo nuk është hera e parë që këmbët e Robbie janë në qendër të vëmendjes. Në filmin e Quentin Tarantino -s 2019 , Once Upon a Time in Hollywood, Robbie luajti Sharon Tate dhe pati një skenë të paharrueshme ku ajo vendosi këmbët e saj në një sedilje kinemaje. Kjo skenë ngjalli një interes të ri për këmbët e Robbie.