Aksidentohen 2 makina me targa greke në aksin Korçë-Bilisht

Dy automjete me targa greke janë përplasur në aksin Korçë-Bilisht mëngjesin e sotëm.

Sipas burimeve për mediat, aksidenti ndodhi në kryqëzimin e fshatit Plasë.

Mësohet se automjetet janë përplasur me njëri-tjetrin teksa po udhëtonin në drejtime të kundërta.

Nga aksidenti nuk ka pasur të plagosur, por vetëm dëme materiale.

Policia ndodhet në vendngjarje dhe po punon për zbardhjen e rrethanave të aksidentit.