Mozzik dhe Gentinjo e ironizuan për lidhjen me 21-vjeçarin, Loredana reagon për herë të parë

Reperja e njohur shqiptare, Loredana Zefi vetëm disa ditë më parë ua ka vënë ‘kapakun’ zërave duke konfirmuar lidhjen me futbollistin e njohur gjerman, Kerem Adeyemi.

Mirëpo së fundmi rreth këtij lajmi ka reaguar ish-partneri i Loredanës, Mozzik me të cilin ajo ka dhe një vajzë, Hanën.

Reperi ka postuar në Instagram një foto të vetën në një fushë sporti dhe krahas saj ka bërë  një shkrim ‘thumbues’.

“Vallaj që sot me Bayernin”, ka shkruar reperi duke ironizuar kështu nënën e vajzës së tij.

Për të mos mjaftuar kjo edhe ish-kunati i Loredanës, Getinjo dha një koment ironizues për lidhjen e reperes.

‘‘Kurr se la pa e rregulluar punen me t’shti n’Bayern me lujt, Maje mend heheheheh”, ka shkruar Getinjo.

Ndonëse lidhja e reperes u komentua shumë në rrjet, në mes shumë komenteve asaj i kanë rënë në sy këto, teksa ajo ka postuar një foto në Instagram, duke treguar se ajo është shumë e lumtur krah të dashurit të ri që mesa duket ai ia ka ‘rrëmbyer’ zemrën.