Nuk ndalet PSG: Vjen lojtari i Bayernit, klubi francez paguan 50 milionë euro për kartonin e tij
Skuadra e Paris Saint-Germain konfirmoi sot zyrtarisht se futbollisti francez Lucas Hernandez është lojtari më i ri i klubit tw tyre dhe se e bleu kartonin e tij nga Bayerni.
Sipas raportimeve, mbrojtësi i majtë ka nënshkruar një kontratë pesëvjeçare me skuadrën nga Parisi dhe është një lojtar që ka bërë 33 paraqitje për kombëtaren franceze dhe në një prononcim për faqen e klubit ka thënë se është shumë i emocionuar që i bashkohet PSG-së.
"Jam shumë i emocionuar. Kam pritur një kohë të gjatë për t'iu bashkuar PSG-së dhe më në fund ndodhi. Kjo është një ditë shumë e veçantë për mua dhe jam shumë i lumtur që jam këtu," tha Hernandez.
Paris Saint-Germain is delighted to announce the signing of Lucas Hernández.
— Paris Saint-Germain (@PSG_English) July 9, 2023
The French international defender has signed a five-year contract with the Club.
🔴 #WelcomeHernández 🔵
Hernandez ka nënshkruar kontratë me PSG-në deri në verën e vitit 2028 dhe raportohet se skuadra franceze ka paguar nga 48 deri në 50 milionë euro për shërbimet e tij.
Më herët PSG transferoi Manuel Ugarte nga Sportingu portugez për 60 milionë euro, Milan Skriniar nga Interi si lojtar i lirë, Hugo Ekitike nga Rennes për 28 milionë euro dhe Marco Asensio nga Reali gjithashtu si lojtar i lirë.