Zyrtare/ De Vrij dhe Inter gjejnë gjuhën e përbashkët, mbrojtësi holandez rinovon me zikaltërit
Stefan De Vrij dhe Inter kanë rënë dakord për vazhdimin e bashkëpunimit midis tyre. Mbrojtësi holandez ka pranuar të rinovojë kontratën me klubin zikaltër deri në qershor të vitit 2025.
Lajmi është bërë i ditur nga vetë klubi milanez përmes një postimi në faqen zyrtare.
Gjithsesi bisedimet mes palëve duket se kanë qenë mjaft të mira dhe se çdo gjë shkoi pa probleme.
Kështu de Vrij bëhet lojtari i tretë që rinovon me Interin pas Bastonit dhe Calhanoglu.