Incidenti i papritur i Britney Spears/ Këngëtarja goditet nga sigurimi i basketbollistit të NBA
Një takim i rastësishëm mes Britney Spears dhe Victor Webanyama në një kazino në Las Vegas të mërkurën më 5 korrik, duket se nuk ka shkuar ashtu siç duhej.
TMZ raportoi se personi i sigurisë personale të basketbollistit të San Antonio Spurs reagoi ashpër kur Britney shkoi t’i kërkonte 19-vjeçarit francez që të bënin një foto së bashku.Ngjarja ndodhi kur ylli i popit ishte në një restorant hoteli me bashkëshortin e saj, Sam Asghari, dhe dy miq të tjerë. Kur ata kanë hyrë kazino, këngëtarja është vënë re nga fansat e saj, të cilët më pas e kanë rrethuar për të bërë foto. Por ajo, dalloi Victor Webanyama dhetë shkoi drejt tij për t’i thënë se ajo ishte fanse e basketbollistit dhe për të bërë një foto së bashku.
Kur Britney iu afrua, ajo e kapi tek shpatullat dhe brenda pak sekondash, një anëtar i ekipit të tij të sigurisë dyshohet se e goditi atë në fytyrë, duke e rrëzuar në tokë. Sipas të njëjtave informacione, nga rënia e mprehtë i kanë rënë syzet dhe ajo dukej e shqetësuar.
Pasi Spears u kthye në tryezën e saj, roja i sigurisë shkoi t’i kërkonte falje. Thuhet se ai i tha asaj: “Ti e di se si është të jesh i pushtuar nga fansat”.
Raportimet thonë se Spears ka shkuar në polici duke denoncuar një rrahje, por asgjë nuk është konfirmuar nga ana e saj.
Britney Spears assaulted by security for trying to take picture with Victor Wembanyama pic.twitter.com/TqZmutu8IC
— SitchChick (@SitchChick) July 6, 2023