Largohet pas vetëm një sezoni, Galatasaray njofton lamtumirën e veteranit

Pas një sezoni në Turqi, Juan Mata nuk do të jetë më pjesë e Galatasaray. Largimin e mesfushorit spanjoll e ka zyrtarizuar vetë klubi turk përmes një postimi në rrjetet sociale.

“Faleminderit Juan Mata, për përpjekjet dhe kontributin tuaj me fanellën e Galatasaray! Ju urojmë shumë suksese në karrierën tuaj të ardhshme, profesor!”. – shkruan Galatasaray për 35-vjeçarin.

Juan Mata u paraqit 16 herë për Galatasarayn në kampionat duke arritur të realizojë 3 gola dhe u shpall kampion i Turqisë në sezonin e parë dhe të fundit me ta