Forcat ruse të sigurisë po zënë pozicione në jug të Moskës, sipas gazetës ruse

Forcat ruse të sigurisë janë parë duke zënë pozicione në jug të Moskës, sipas fotove të publikuara nga gazeta ruse e biznesit “Vedomosti”, shkruan Nathan Hodge i CNN

Fotografitë e publikuara nga gazeta tregonin forcat ruse të sigurisë, të armatosura dhe të pajisura me armë automatike, po zinin një pozicion pranë një autostrade që lidh Moskën me jugun e Rusisë.

Fotografitë e postuara në kanalin Telegram nga “Vedomosti” tregojnë burra të armatosur dhe me uniforma në rrugën Lipetskaya, pranë hyrjes së autostradës M4 që lidh kryeqytetin me qytetet Voronezh dhe Rostov-on-Don.

Fotografitë tregojnë gjithashtu një helikopter në qiell mbi zonë dhe një kamion policie.

Shefi i Wagner, Yevgeny Prigozhin, pretendoi se luftëtarët e grupit të tij ushtarak privat kanë marrë kontrollin e një selie ushtarake ruse në Rostov-on-Don.