Luiza Gega triumfon në garën e 5000 metrave në Poloni
Luiza Gega e ka nisur mbarë në Kampionatin Europian Ekipor, që po zhvillohet në Krakow të Polonisë. Atletja shqiptre është renditur në vendin e parë të baterisë së 5000 metrave divizioni i tretë. Gega ka lënë pas gjithë kundërshtaret me kohën 15:32.39, rreth 4 sekonda më e shpejtë se rivalja Salpeter nga Izraeli. Gega po kalon një formë shumë të mirë në muajt e fundit dhe kjo gjë është përkthyer në rezultate pozitive.
Albania's finest delivers again! 🫡
— European Athletics (@EuroAthletics) June 20, 2023
Luiza Gega 🇦🇱 sprints to victory in the 5000m in the 3rd Division in #Silesia2023! ⚡#EG2023 pic.twitter.com/tuBgTyAxEA
“Nuk ishte garë e lehtë. Vajza që doli e dyta është e treta në botë ka dalë kampionë Europe në 2018 dhe e dija që, nëse do të mbaja deri në fund atë ritëm, do të dilja e para, sepse unë di që jam më e shpejtë se ajo. Jam sportistja më e shpejtë dhe e ndjeja vetën komode.
Nuk doja të vrapoja shpejt pasi po ruhesha për garën e ardhshme, ku synoj që gjithashtu të fitoj. Është gara ime kryesore me 3000 metra me pengesa dhe do të përpiqem të realizoj brenda një kohe të shpejtë. Do të jetë e vështirë, pasi nuk kam kundështare të forta që të më nxisin, por unë do të jap maksimumin për të fituar”, ka theksuar atletja shqiptare.