Dënohet me 2 vite e 10 muaj Jeton Lami, polici që shoqëronte Ervis Martinajn para se të zhdukej

Gjykata e Lezhës ka dënuar me 2 vite e 10 muaj burg policin Jeton Lami.

Jeton Lami është polici që është parë në shoqëri me Ervis Martinajn para se ky i fundit të raportohej i zhdukur.

Mësohet se për shkak të gjykimit të shkurtuar Jeton Lamit, i ulet 1/3 e dënimit.

Kujtojmë që Jeton Lami u arrestua pas zhdukjes së të shumëkërkuarit Ervis Martinaj, ndërsa alarmin e ngritën familjarët e Martinajt.