Publikohet video e një debati të ashpër, Ibrahimovic i tha Arnautovicit: Të pres në Suedi, do të të lë të shkosh tani
Mediat suedeze kanë publikuar një video të vitit 2014, në të cilën mund të dëgjohet një debat i ashpër mes Zlatan Ibrahimovic dhe Marko Arnautovic, pas ndeshjes mes Austrisë dhe Suedisë.
Për pak ditë këto dy kombëtare do të përballen në kualifikueset e EURO-s dhe për këtë është publikuar pikërisht tani kjo video.
Pas ndeshjes së zhvilluar nëntë vite më parë, mes këtyre dy futbollistëve ballkanas ka ndodhur një përplasje verbale, e cila për pak është kthyer në një konflikt fizik.
Kur kalonte pranë zonës së shtypit, Ibrahimovic i tha Arnautovicit: "Do të të pres në Suedi", të cilës Arnautovic iu përgjigj: "Hajde tani".
Blir tyvärr inget returmöte mellan dessa 🥴
— Viaplay Fotboll (@ViaplayFotboll) June 14, 2023
Någon annan får ta kampen med Österrikes Zlatan...
⚽ Sverige–Nya Zeeland 16 juni på TV6 och Viaplay
⚽ Österrike–Sverige 20 juni på TV6 och Viaplay pic.twitter.com/xqAnjJAabZ
Padyshim që austriaku kishte inat të madh me Ibran, i cili vazhdoi ta kërcënonte: “Këtu je në shtëpi, shokët janë këtu, të lë të shkosh...”.
Në sfond dëgjohet Arnautovic teksa sfidon Ibrahimoviçin dhe i thotë “tani nuk mundesh”.
Pikërisht në atë moment Ibra është nisur drejt tij, por më pas ka hequr dorë kur ka parë se gazetarët po e prisnin të jepte një deklaratë dhe gjithçka përfundoi me kaq.
Për kujtesë, ajo ndeshje përfundoi pa fitues, 1-1.