VIDEO/ A do ta transferoni Kylian Mbappe? Ja si përgjigjet presidenti i Real Madrid

Real Madridi është i detyruar të gjejë një sulmues të ri gjatë kësaj merkato pas largimit të Karim Benzema në Arabinë Saudite , më saktë te Al Ittihad. Drejtuesit e klubit madrilen po “eksplorojnë në disa rrugë” për të gjetur zëvendësuesin e sulmuesit francez. Dhe si çdo vit, njëra prej tyre të çon tek Kylian Mbappe . Lojtari i Paris Saint-Germain është shumë i pëlqyer nga Florentino Perez, presidenti i klubit madrilen. Dhe lideri spanjoll është i vetëdijshëm se do të jetë e vështirë ta transferojë sulmuesin këtë vit.

Në të vërtetë, edhe nëse emri i Kylian Mbappe është rikthyer në qendër të medieve prej interesimit të Real Madrid , Mbappe nuk ka gjasa të lëvizë nga Paris Saint-Germain këtë verë. Florentino Perez, nga ana e tij, është i bindur se do të jetë në gjendje ta rekrutojë atë vitin e ardhshëm gjatë merkatos së verës 2024, siç i tha ai në një rrugë në Madrid.

 I pyetur për transferimin e mundshëm të sulmuesit francez, presidenti madrilen ishte veçanërisht optimist. Në pyetjen "A do të transferoni Mbappe?" , lideri klubit spanjoll thjesht u përgjigj: “Po… por jo këtë vit…”

🗣️ Fan: “Florentino will you sign Mbappé?”

🗣️ Florentino Pérez: “Yes, but not this year”
pic.twitter.com/Hwt8TMaE23

— 𝙇𝘽𝙕  (@losblancoszone) June 10, 2023