Nuk kishte fund festa e çmendur e lojtarëve të Cityt: Grealish me birrë dhe një këngë kushtuar heroit
Pasi lojtarët e Manchester City fituan Champions League për herë të parë në historinë e klubit, në dhomat e zhveshjes u zhvillua një festë e madhe dhe e merituar.
Me një gol të mesfushorit spanjoll Rodrigo, Manchester City mposhti mbrëmë Interin në finalen e Stambollit dhe kështu u bë vetëm klubi i dytë anglez që fiton “tripleten”, kurorën e trefishtë me tre trofetë më të mëdhenj në sezon.
Mbrëmjen e djeshme, lojtarët e Cityt i shtuan Premierligës dhe FA Cup trofeun më të rëndësishëm, titullin e Kampionit të Europës. Pas fitores ndaj Interit, pati një festë të merituar.
Fillimisht qytetarët kanë festuar në fushën e Ataturk Arenës, e më pas festa ka kaluar në dhomat e zhveshjes.
A view from the dressing room! 👋#ManCity | #UCLfinal pic.twitter.com/KOHShgazLL
— Manchester City (@ManCity) June 10, 2023
Në qendër të vëmendjes ishte edhe një herë Jack Grealish, një anësor i madh, i cili me ardhjen nga Aston Villa te Manchester City, arriti të bëjë atë që e ndryshoi klubin, që është fitimi i trofeve.
Gjithmonë interesant jashtë fushës, Grealish festoi egërsisht, këndoi dhe filmoi veten, dhe në qendër të vëmendjes, natyrisht, ishte birra.
"Rodri's on fire!" 🔥#ManCity | #UCLfinal pic.twitter.com/wtkDnslH2O
Djali i Phil Fodenit, i cili është gjithmonë i mirëpritur në dhomat e zhveshjes dhe të cilin e bartnin lojtarët e Qytetarëve, si të ishte trofe, ka festuar bashkë me lojtarët e Cityt.
Dhoma e zhveshjes i këndoi heroit të fitores, Rodri, hitin e famshëm "Të çliruar nga dëshira", i cili në këtë rast mori emrin "Rodri's on fire". Në bashkëngjitje shikoni si ka qenë në festën e Qytetarëve.