Triumfuan në FA Cup/ Festë e çmendur në dhomat e zhveshjes së Cityt, Grealish i shqetësuar për çantën Gucci
Lojtarët e Manchester City kanë përfunduar misionin për dy nga tre pjesët e udhëtimit të tyre historik drejt tripletës dhe pas fitimit të FA Cup, pasoi një çmenduri e plotë në dhomën e zhveshjes.
Manchester City fitoi dje 2-1 ndaj Manchester United dhe kështu fitoi të dytin nga tre trofetë më të mëdhenj për të cilin po lufton këtë sezon. Më parë kanë fituar Premier League, ndërsa fundjavën e ardhshme do të luftojnë në finalen e Champions League për trofeun e tretë, titullin e kampionit të Evropës në përballjen me Interin.
Skenat nga dhoma e zhveshjes tregojnë se sa shumë do të thotë për skuadrën e Pep Guardiolës fitimi i FA Cup. Është festuar në fushë dhe më pas skenat janë zhvendosur në dhomat e zhveshjes, ku qytetarët kanë dhuruar spektakël.
Jack Grealish filmoi dhe postoi një video të festës në Instagram. Njeriu përgjegjës për fanellat në dhomën e zhveshjes së Cityt, dhe gjithashtu një nga më përgjegjësët për atmosferën e mrekullueshme, Brandon Ashton, e kishte ditën e tij.
"Hey watch my Gucci bag!"
— Sky Sports Premier League (@SkySportsPL) June 4, 2023
Manchester City kitman Brandon Ashton was at it again last night...😂 pic.twitter.com/YZhQCIWHQV
Ashton rrëshqiti nëpër këmbët e mbrojtësit John Stones dhe lojtarëve të tjerë të skuadrës. Në një moment ai u përfundoi në çantën e Grealish, për të cilën ylli i futbollit anglez u përgjigj: "Hej, shiko çantën time Gucci".
Se trofeu i ri do të thotë shumë për skuadrën e tregoi Pep Guardiola, i cili shpërtheu në lot pasi skuadra e tij mposhti rivalin e qytetit në finale në Wembley.