Gjykata japoneze: Ndalimi i martesës mes të njëjtës gjini, është jokushtetues
Një gjykatë japoneze vendosi të martën se dështimi i qeverisë për të njohur martesën e personave të njëjtit seks është jokushtetues, vendimi i dytë i tillë mes pesë padive të ngjashme të paraqitura në gjykatat e qarkut në vend.
Gjykata e Qarkut Nagoya, duke vendosur mbi një padi të ngritur nga një çift meshkujsh rreth të 30-tave që banojnë në prefekturën Aichi, hodhi poshtë kërkesën e tyre dhe shteti duhet t’i paguajë secilit prej 1 milion jen (7100 dollarë) si kompensim për sistemin aktual ligjor që nuk i lejon ata të martohem.
Vendimi i fundit, i katërti në mesin e pesë padive të ngjashme, pason vendimin historik të Gjykatës së Qarkut Sapporo në mars 2021 që tha se Kodi Civil i vendit dhe ligji i regjistrimit të familjes, të cilat nuk pranojnë martesën e të njëjtit seks, shkelin garancinë e Kushtetutës për barazinë përpara ligji.
Gjykatat e qarkut të Osakës dhe Tokios vendosën përkatësisht në qershor dhe nëntor të vitit të kaluar, se sistemi aktual ligjor që ndalon martesat e të njëjtit seks si kushtetues. Por Gjykata e Qarkut të Tokios tha në të njëjtën kohë se mosekzistenca e sistemit ligjor që njeh martesat e të njëjtit seks është në një “gjendje antikushtetuese”.
Paditësit në gjykatat Sapporo, Osaka dhe Tokio i kanë apeluar vendimet pasi panë që kërkesat e tyre për dëmshpërblim të rrëzohen.
Në vendimin e së martës, çifti i cili ngriti padinë në shkurt 2019 pasi regjistrimi i martesës së tyre nuk u pranua, argumentoi se mosnjohja e martesës së të njëjtit seks përbën një diskriminim i cili është i ndaluar sipas nenit 14 të Kushtetutës.
Ata pretenduan gjithashtu se Kodi Civil dhe ligji i regjistrimit të familjes, të cilat nuk e njohin martesën e tyre, shkelin Kushtetutën, pasi neni 24 i statutit që rregullon martesën, nuk ndalon në mënyrë eksplicite martesat e të njëjtit seks.
Qeveria ka thënë se neni 24 nuk presupozon martesën mes të njëjtit seks, pasi thotë “Martesa duhet të bazohet vetëm në pëlqimin reciprok të të dy gjinive”.