VIDEO/ Pamje ngjethëse: Rusia e godet Kievin në mes të ditës pasi e sulmoi me raketa tërë natën

Kiev, Ukrainë - Shpërthime tronditën Kievin gjatë ditës së hënë, kur raketat balistike ruse vunë në shënjestër kryeqytetin ukrainas, disa orë pas një breshërie më të zakonshme gjatë natës me dronë dhe raketa  lundrimi.

Sipas shefit të shtabit të Ukrainës, Valerii Zaluzhnyi, forcat ruse qëlluan me 11 raketa balistike dhe lundruese në Kiev rreth orës 11:30 të mëngjesit (08:30 GMT; 4:30 pasdite EDT). Tymi i bardhë mund të shihej më pas në qiellin blu mbi qytet nga rruga.

Mbetjet nga raketat që u kapën ranë në zonat qendrore dhe veriore të Kievit gjatë mëngjesit, duke u rrëzuar në mes të trafikut në një rrugë të qytetit dhe shkaktuar gjithashtu zjarr në çatinë e një ndërtese, tha administrata ushtarake e Kievit. Të paktën një civil u raportua i plagosur.

Shpërthimet i nervozuan disa vendas, tashmë të tensionuar pasi u zgjuan nga sulmi i natës.

“Pas asaj që ndodhi mbrëmë, tani reagoj ashpër ndaj çdo sirene. Isha e tmerruar dhe ende po dridhem,” tha Alina Ksenofontova, një grua 50-vjeçare që u strehua në metronë e Kievit me qenin e saj Bublik.

Stacioni qendror, Teatralna, ishte i mbushur me banorë vendas të strehuar.

Artem Zhyla, 24-vjeçari që ofron shërbime ligjore jashtë vendit, ka marrë me vete laptopin dhe ka vazhduar të punojë nën tokë.

“Dëgjova dy ose tre shpërthime, shkova në banjë dhe më pas dëgjova pesë ose shtatë shpërthime të tjera. Atëherë kuptova se diçka e tmerrshme po ndodhte, "tha ai.

Si shumë të tjerë në kryeqytet, ai ndihet i rraskapitur dhe i stresuar. Megjithatë, ai nuk ka ndërmend të heqë dorë dhe planifikon të ndjekë orën e tij të jogës për t'u rimbushur.

"Kjo sigurisht nuk mjafton për të na thyer ne," tha ai.

Presidenti i Ukrainës Volodymyr Zelenskyy dhe zonja e parë Olena Zelenska postuan të dy një video të asaj që ata thanë se ishin nxënës të frikësuar që vraponin dhe bërtisnin në një rrugë të Kievit drejt një strehe për bomba ndërsa sirenat bërtisnin.