VIDEO/ U inatos dhe shkatërroi karrigen e arbitrit, tenisti suedez përjashtohet nga turneu i ATP
Tenisti kontrovers suedez Mikael Ymer është përjashtuar nga turneu ATP 250 në Lyon, pasi shkatërroi karrigen e arbitrit gjatë një ndeshjeje të raundit të 1/16-tave.
Ymer po luante kundër tenistit vendas Arthur Fils dhe në raundin e njëmbëdhjetë të setit të parë ka ndodhur një incident i madh.
Rezultati ishte 5:5, Ymeri shërbeu në 30:30 dhe Fils në kthim kapi vijën dhe fitoi pikën. Suedezi u ankua menjëherë te arbitri Rogerio Santos, duke pretenduar se topi përfundoi jashtë, pas së cilës filloi një debat i madh.
Ymer i kërkoi arbitrit të zbriste dhe të kontrollonte pistën dhe Santos refuzoi me këmbëngulje, duke pretenduar se është i sigurt për vendimin e tij dhe se nuk ka nevojë të zbresë, sepse ai nuk e di më se ku është shenja e topit.
Pas një diskutimi të gjatë, Ymeri vazhdoi të luante dhe pasi humbi lojën, vendosi të shfryjë inatin në karrigen e arbitrit.
🧵(1) 🇫🇷 #Francia / 🎾 El #ATP de #Lyon no solo estuvo en los titulares por el deporte, sino por el reprochable comportamiento de un tenista.
— Voz de la Diáspora (@VozDiasporaSV) May 25, 2023
❌ En la cancha central del predio francés se produjo una escena violenta que involucró al jugador sueco #MikaelYmer. pic.twitter.com/BHDwfOWlj0
Kur po ecte drejt stolit të tij, suedezi goditi karrigen me të gjitha forcat. Raketa u shkatërrua plotësisht dhe kishte një vrimë të madhe në karrige.
Më pas mbikëqyrësi i turneut iu afrua Ymerit dhe i tha se ai ishte skualifikuar dhe përjashtuar nga turneu dhe nuk ka dyshim se suedezi pret një dënim të rëndë financiar për këtë tërbim.