SYRI TV/ Zgjedhjet e 14 Majit, objekt debati te 'Siguria', Noka: Policët blinin vota për PS

Komisioni i Sigurisë u përfshi nga diskutimet për manipulimin e zgjedhjeve të 14 majit, pasi opozita kërkoi shpjegime nga zv.ministri i Brendshëm, Andi Mahila, për rolin e policisë dhe drejtorisë së  gjendjes civile në procesin zgjedhor. Deputeti Flamur Noka, deklaroi se 1.3 milionë votues u zhvendosën nga qendrat e votimit ndërsa zv.ministri u kundërpërgjigj se kjo ishte kërkesë e KQZ.

SYRI TV

Akuzat për manipulimin e zgjedhjeve të 14 majit dhe vendosjen e shtetit në funksion të mazhorancës, ishin në fokus të mbledhjes së komisionit të sigurisë. Sekretari I Përgjithshëm i PD-së, Flamur Noka,  e cilesoi si maskaradë zgjedhore,  procesin e 14 majit, duke kërkuar llogari nga zv.ministri i Brendshëm Andi mahila, për përfshirjen e policisë së shtetit në fushatë, në krah të Partisë Socialiste dhe personave të inkriminuar. 

ZV.ministri i Brendshëm Ani Mahila, mohoi që policia e shtetit të ketë tejkaluar komptencat e saj. Nga ana tjetër Noka kërkoi përgjigje nga zv.ministri edhe sa i përket zhvedosjes së qëndrave të votimit për 1.3 milionë votues. 

Zv.ministri i Brendshëm  kërkoi më shumë kohë, për t’ju përgjigjur pyetjeve të opozitës, ndërsa theksoi se analiza e detajuar do të bëhet pas publikimit të raportit përfundimtar të ODHIR.