G7/ Kryeministri indian takohet me Zelenskin në Samit
Kryeministri indian Narendra Modi është takuar me presidentin ukrainas Volodymyr Zelenskyy në margjinat e samitit.
Llogaria zyrtare e Modi në Twitter të shtunën në mbrëmje postoi një foto të dy liderëve duke shtrënguar duart.
Ndryshe nga liderët e tjerë në samit, Modi është përmbajtur nga dënimi i Moskës për pushtimin e saj në Ukrainë. India ka lidhje të ngushta ekonomike me Rusinë dhe ka rritur importet e energjisë ruse që nga fillimi i luftës.
Ndërsa India nuk është anëtare e G7, Modi është në mesin e një numri liderësh nga vendet jo-G7, të cilët janë ftuar në samit si pjesë e një oferte të kryeministrit japonez Fumio Kishida për të rritur lidhjet me Jugun Global.
Zelenskyy, më herët të shtunën, u takua me kryeministren italiane Giorgia Meloni dhe kryeministrin e Mbretërisë së Bashkuar Rishi Sunak.
PM @narendramodi held talks with President @ZelenskyyUa during the G-7 Summit in Hiroshima. pic.twitter.com/tEk3hWku7a
— PMO India (@PMOIndia) May 20, 2023