‘S’lejonte bashkëshorten time të vinte në shtëpi’, vrau kunatën më sëpatë: Më ofendonte, më thoshte je impotent

Është zbardhur dëshmia e Tafik Tashit, i cili mesditën e së mërkurës (17 maj) vrau me sëpatë kunatën e tij, Alma Qevani.

48-vjeçari ka deklaruar se e vrau kunatën pasi ajo nuk lejonte të motrën të shkonte në shtëpinë ku jetonte me të.

Kjo ka qenë edhe pikënisja e konfliktit që përfundoi tragjikisht.

Para hetuesve Tafik Tashi ka pohuar gjithashtu se motra e bashkëshortes e ofendonte dhe kohët e fundit i ka thënë “je impotent”.

“Kishte kohë që më ofendonte nuk munda ta duroj dot. Thoshte sa herë, madje edhe në prani të familjarëve, fjalën impotent”, tregoi ai.

Krimi i rëndë ndodhi mesditën e djeshme në fshatin Kusarth të Elbasanit.