VIDEO/ Itali: Skena apokalipsi nga përmbytjet, 5 të vdekur, qytete të zhytura në ujë

Ata po notojnë për të shpëtuar veten dhe po ngjiten në çatitë e shtëpive, siç tregojnë pamjet e televizionit italian, me fokus përpjekjet e banorëve që prej ditës së djeshme janë përballur me reshjet e dendura në rajonin Emilia-Romagna, në veri të vendit .

Që nga mbrëmja e djeshme autoritetet e kanë shpallur rajonin në “alarm të kuq” pasi reshjet e dendura të shiut që deri më tani kanë shkaktuar vdekjen e të paktën pesë personave, do të vazhdojnë edhe sot. Numri i personave të zhdukur është i paqartë, siç raportojnë mediat italiane.

Wow. More footage from Via Saffi. This is the main road to the hospital and airport. Now basically a river. #Italyfloods #Bologna pic.twitter.com/mGcXVW5JRg

— Tom Benjamin (@Tombenjaminsays) May 17, 2023

Floods invade a residence in the city of Cesena, in the Emilia-Romagna region.#Italy ??.

TELEGRAM JOIN -https://t.co/noX4cUUkWk pic.twitter.com/MCV7Nv85gO

— Discovery news (@Discoverynewson) May 17, 2023

Deri më tani, të paktën pesë mijë njerëz janë zhvendosur pasi rrëshqitjet e dheut dhe vërshimet ndodhin në 12 lumenj dhe përrenj pranë zonave të banuara.

Ekipet e shpëtimit ndihmojnë me varka fryrëse apo edhe helikopterë për të çliruar banorët.

Shkollat ​​në shumë zona të rajonit Emilia Romagna mbeten të mbyllura , ndërsa shumë rrugë janë të bllokuara.

Në shumë zona të Bolonjës, autoritetet po i bëjnë thirrje popullatës që të shkojë në katet e sipërme të ndërtesave si masë paraprake.

Kryeministrja italiane Giorgia Meloni, e cila është rrugës për në samitin e Grupit të Shtatë (G7) në Japoni, tha nga Alaska se një kabinet do të mblidhet sa më shpejt të jetë e mundur për t'u marrë me situatën dhe për të mbështetur të prekurit.

Sipas të dhënave të reja të zjarrfikësve dhe të Mbrojtjes Civile “ zona e përmbytur, me dëme të pallogaritshme, është e madhe dhe në këtë fazë janë në rrezik edhe anëtarët e ekipeve të shpëtimit”.
Kjo është stuhia e dytë në rajonin Emilia Romagna brenda 15 ditëve . Më pas numri tragjik ishte dy të vdekur dhe dëme të mëdha.