Zjarr në një bujtinë në Zelandën e Re, gjashtë të vdekur

Një zjarr ka përfshirë një bujtinë në kryeqytetin e Zelandës së Re gjatë natës, duke vrarë të paktën gjashtë persona.

Si pasojë e zjarrit, siç raportojnë mediat e huaja, disa të tjerë janë detyruar të largohen nga ndërtesa katërkatëshe, disa me pizhame, në atë që shefi i zjarrfikësve të martën e quajti “makthin e tij më të keq”.

Pesëdhjetë e dy njerëz kishin dalë nga ndërtesa, por zjarrfikësit ende po përpiqeshin të kërkonin për të tjerë, tha shefi i zjarrfikësve në Wellington, Nick Pyatt.

Banori i Loafers Lodge, Tala Sili, tha për median RNZ se pa tym që po vinte nga pjesa e poshtme e derës së tij dhe kur e hapi atë gjeti korridorin “të zi”.

“… Ishte thjesht e frikshme, ishte vërtet e frikshme, por e dija se duhej të hidhesha nga dritarja ose thjesht të digjesha brenda ndërtesës”.

#UPDATE At least six killed in New Zealand hostel fire.

Towering flames and thick smoke could be seen pouring from the roof of the Loafers Lodge hostel in central Wellington during the night, as 80 firefighters and 20 trucks battled the blazehttps://t.co/EZh8toqQCW pic.twitter.com/hZKkAULk9a

— AFP News Agency (@AFP) May 16, 2023