UEFA mund të zhvendosë finalen e Champions League në Lisbonë

Për të dytin vit radhazi, UEFA mund të zhvendosë finalen e Ligës së Kampionëve. Pas Saint-Denis dhe Stade de France për të zëvendësuar Shën Petersburgun vitin e kaluar, Lisbona mund të zërë vendin e Stambollit qershorin e ardhshëm, ku fillimisht ishte planifikuar finalja e këtij edicioni 2022/2023.

Daily Mail bën me dije se qeveria evropiane e futbollit ka frikë nga trazirat e mundshme në rrugët e Stambollit, teksa zgjedhjet presidenciale turke supozohet të mbahen më 28 maj, 13 ditë para finales së Ligës së Kampionëve. Media britanike raporton se edhe UEFA i ka bërë tashmë një kërkesë federatës portugeze për organizimin e eventit. Nëse kjo do të ndodhte, Estadio da Luz do të priste finalen e dytë të Ligës së Kampionëve në harkun e tre viteve, pas Final 8 të lidhur me COVID të vitit 2020 ku Bayern Munich triumfoi kundër PSG (1-0).