Paloka: Që kur ‘denoncoi’ Yuri Kim, dihej që opozita do të dilte fajtore

Kryetari i Këshillit Kombëtar të PD, Edi Paloka, reagoi pas arrestimit të kandidatit opozitës, Fredi Beleri.

Ai tha se që kur bëri ‘denoncimin’ e saj ambasadorja Yuri Kim, dihej që fajtore do dilte opozitar.

“Pra, pas dhjetëra denoncimeve të bëra nga opozita, pas  dëshmive dhe fakteve evidente (edhe me video) të krimeve zgjedhore e shkeljeve flagrante të Kodit Zgjedhor e atij Penal prej kandidatëve socialistë, ministrave dhe të vetë Ramës, papritur SKAP-i gjeti dhe arrestoi një kandidat të koalicionit opozitar në Himarë… e pikërisht atë që Rama e kishte sulmuar e bullizuar më shumë gjatë gjithë këtyre ditëve!!!

Unë nuk kam info dhe nuk marr përsipër të gjykoj nëse është fajtor apo jo Beleri, po nuk kam asnjë dyshim që kjo “drejtësia e reformuar” është totalisht në shërbim të pushtetit të korruptuar e kriminal te Rames.

E paralajmëroi dhe Yuri në fakt. E, që në momentin që ajo “denoncoi” shitblerjen e votave, duhej të na shkonte ndërmend se sipas traditës kimiane, opozita do dilte fajtore... Unë vetë “e parashikova” në statusin tim,” shkruan Paloka.