Aksidentohen dy zyrtarë të ambasadës ruse në Tiranë, humb jetën njeri prej tyre

Policia e Tiranës njoftoi sot se një zyrtar i ambasadës së Rusisë në Tiranë ka ndërruar jetë dhe një tjetër është plagosur, pasi makina me të cilën ata udhëtonin u përplas me banderolën metale tek mbikalimi në Mjull Bathore. Shtetasi rus s.M. 36 vjeç ka ndërruar jetë në spital, kurse kolegu i tij A.K. 30 vjeç është nën kujdesin e mjekëve. Një gru hetimor është ngritur për të sqaruar rrethanat e aksidentit.

Në njoftimin zyrtar të Policisë së Tiranës thuhet:

Më datë 11.05.2023, rreth orës 23:10, te mbikalimi në Mjull Bathore, automjeti i ambasadës ruse, me drejtues shtetasin A. K., dhe pasagjer shtetasin S. M., është përplasur me banderolën metalike të rrugës, ka dalë nga rruga dhe më pas është përplasur me bordurën.

Si pasojë e plagëve të marra nga përplasja, ka ndërruar jetë në spital shtetasi rus S. M., 36 vjeç, ndërsa shtetasi A. K., 30 vjeç, ndodhet në spital, nën kujdesin e mjekëve. Grupi hetimor po punon për sqarimin e rrethanave të aksidentit.