VIDEO/ PL nis trajnimet për vëzhguesit dhe numëruesit e Kombinatit, Kryemadhi: Janë gardianët e votës së lirë

Deputetja e Partisë së Lirisë Monika Kryemadhi, ka bërë me dije se sot është zhvilluar një trajnim me vëzhguesit, komisionerët dhe numëruesit e Kombinatit, të cilët do të jenë pjesë e ekipeve për zgjedhjet lokale të 14 majit.

Në një postim në Facebook, Kryemadhi u shpreh se ato do të jenë gardianët e votës së lire që qytetarët e Tiranës do të hedhin në mbështetje të kandidatit të koalicionit “Bashkë Fitojmë”, Belind Këlliçi.

“Këta janë gardianët e votës së lirë, të cilët me 14 Maj do të mbrojnë dhe administrojnë votën e lirë për Belind Këlliçin dhe koalicionin Bashkë Fitojmë.

Sot trajnim me vëzhguesit, komisionerët dhe numëruesit e Kombinatit”, shkroi Kryemadhi.

I pranishem ka qene edhe kandidati Belind Këlliçi i cili ka kerkuar qe te mos kete asnje tolerim, sikur edhe nje vote e vetme.