Kremlini është shumë nervoz sot

Will Vernon- BBC News, Moskë

Disa ngjarje të Ditës së Fitores janë zhvilluar tashmë në një numër qytetesh ruse, por ngjarja kryesore është këtu në Moskë. 

Do të ketë një paradë të madhe ushtarake në Sheshin e Kuq të kryesuar nga Vladimir Putin.

9 maji është zakonisht një ditë kujtimi dhe festimi këtu, kur njerëzit shënojnë humbjen e Gjermanisë naziste.

Por unë mendoj se ka një humor shumë të ndryshëm sot dhe kjo është ajo e nervozizmit dhe e pasigurisë. 

Kjo për shkak se ka pasur një sërë sulmesh me dronë, shpërthime dhe incidente sabotimi në të gjithë vendin gjatë javëve të fundit - depot e naftës janë djegur, trenat e mallrave kanë dalë nga shinat.

Nuk është plotësisht e qartë se kush qëndron pas këtyre akteve. Rusia fajëson Ukrainën dhe Perëndimin, por ata e mohojnë këtë.

Incidenti më i rëndë ishte javën e kaluar me sulmin në vetë Kremlinin - vetë zemra e fuqisë ruse dhe sfondi i famshëm për paradën e sotme ushtarake.

Kremlini tha se këta ishin dy dronë ukrainas dhe ata e lidhën atë sulm me përgatitjen për ngjarjet e sotme. 

Ne nuk e dimë se kush e bëri këtë apo çfarë ndodhi në të vërtetë, por mendoj se kjo tregon se Kremlini është shumë nervoz për atë që mund të ndodhë sot dhe autoritetet kanë thënë tashmë se masat e sigurisë janë forcuar.