Një ceremoni kurorëzimi me një larmi fetare dhe plot me akte balancuese

Nga Sean Coughlan, BBC

Ka pasur një përpjekje të qëllimshme për ta bërë këtë një ceremoni sa më multifetare dhe të larmishme, krahas asaj që në thelb është një shërbim kishtar i krishterë.

Ka përfaqësues të komunitetit mysliman, hebre, sikh dhe budist- dhe kryeministri që lexon nga Bibla është Rishi Sinak, një hindu.

Personat me ngjyrë do kenë role të spikatura brenda ceremonisë, duke përfshirë si figura publike dhe pjesët e klerit. Gratë peshkope do të marrin pjesë për herë të parë në 1 mijë vjet të kurorëzimit.

Ka gjithashtu fjalë në gjuhën e Uellsit, në gjuhën skoceze, irlandishte dhe një këngë bizantine në greqisht, si një shenjë nderimi për babanë e ndjerë të Mbretit, Princit Philip.

Vlen gjithashtu të theksohet se sa e ndërlikuar ka qenë kjo ceremoni, si një tapet i madh.

Për shembull, ka pasur debate rreth betimit të Mbretit që deklaronte rolin e tij specifik si pasues protestant në fron.

Por menjëherë pasi Mbreti bën këtë zotim, kori këndon një pjesë në latinisht nga William Byrd, nga një mjedis i meshës së përdorur nga katolikët e shekullit të 16-të, që kishin kundërshtuar doktrinën e Kishës së Anglisë.

Dhe betimet janë përshtatur nga një njohje më e gjerë e njerëzve të të gjitha besimeve.

Është një shërbim plot me akte balancuese dhe simbole delikate.